Anplwayè w la oblije ba w yon Fòm W-2, Deklarasyon Salè ak Enpo. Dosye sa a montre revni ou ak enpo w yo te prelve. Men sa pou w fè si w pa resevwa youn oswa si enfòmasyon ki ladan l lan pa kòrèk. Si w pa resevwa yon W-2 nan espas fen mwa janvye a Kontakte anplwayè w la pou w konfime lè fòm lan ap vini. Si w pa resevwa yon W-2 nan espas fen mwa fevriye a Si w te kontakte anplwayè w la epi w toujou pa gen W-2 w la, rele nou nan 800-829-1040. Prepare enfòmasyon w pou nou ka ede w: Non, adrès ak nimewo telefòn Nimewo Sekirite Sosyal oswa ID endividyèl enpo Dat ou te travay pou patwon an Non, adrès ak nimewo telefòn patwon an N ap kontakte patwon w lan epi n ap mande l W-2 ki manke a. N ap voye pou ou yon kopi Fòm 4852, Ranplasan pou Fòm W-2, Deklarasyon Salè ak Enpo. Ou ka sèvi avè l pou ranpli deklarasyon enpo w san W-2 a. Si w pa resevwa yon W-2 alè pou w ranpli enpo w Sèvi ak souch chèk ou pou estime salè w. Apre sa a, ranpli Fòm 4852 epi tache li nan deklarasyon enpo w la. Si W-2 la pa kòrèk Mande patwon w lan pou l korije erè a. Si patwon w lan pa korije li nan fen mwa fevriye, ou ta dwe swa: Rele nou nan 800-829-1040 Pran yon randevou nan yon Sant Asistans pou Kontribyab IRS N ap voye yon lèt bay patwon w pou mande l ba w yon W-2 korije nan 10 jou. N ap voye ba ou tou enstriksyon pou Fòm 4852, Ranplasan pou Fòm W-2. Ou ka sèvi ak li pou estime salè w. Si w te deklare enpo w avèk enfòmasyon W-2 ki pa kòrèk Ranpli yon deklarasyon modifye ak enfòmasyon ki kòrèk la. Ki gen rapò W-2 – Adisyonèl, Ki pa Kòrèk, Ki Pèdi, Pa-Resevwa, Manke Enfòmasyon Kite Nou Ede W
