Taks federal sou revni an se yon taks w ap peye a mezi w ap fè kòb. Ou peye taks la a mezi w ap resevwa lajan pandan ane a. Kisa Prelèvman Taks ye? Si ou se yon anplwaye, patwon ou an pwobableman kenbe taks sou salè ou epi peye IRS la ak li sou non ou. Kisa Estimasyon Taks ye? Si ou pa peye taks ou atravè prelèvman, oubyen ou pa peye ase taks fason sa a, ou ka nan nesesite pou peye estimasyon taks. Travayè endepandan yo jeneralman peye taks yo nan fason sa a. Tcheke Prelèvman Fiskal Ou Evite sipriz nan jou deklarasyon taks ou epi verifye montan prelèvman ou. Twò piti ka lakòz ou gen yon bil taks oswa amann. Peye twòp ka vle di ou p ap ka sèvi ak lajan an toutotan ou pa resevwa kòb ranbousman taks la. Itilize Estimatè Prelèvman Fiskal la Kilè pou Ou Tcheke Prelèvman Fiskal Ou: Kòmansman ane a Lè lwa sou taks la chanje Lè w gen chanjman nan lavi w: Fason w Viv - Maryaj, divòs, fè timoun oswa adopte yon timoun, achte kay, retrete, deklare fayit chapit 11 Revni salè w - Ou menm oswa konjwen w kòmanse oswa sispann travay, oswa kòmanse oubyen kite yon dezyèm djòb Revni ki ka gen taks ki pa sijè a prelèvman - Revni sou enterè, dividann, valè ajoute sou kapital, revni travayè endepandan, distribisyon IRA (ki gen ladan li Roth IRA) Ajisteman nan revni- dediksyon IRA, dediksyon sou enterè lajan prè etidyan, depans pou pansyon alimantè Dediksyon detaye oswa kredi taks - Depans medikal, taks, depans sou enterè, don bay charite, depans pou swen depandan, kredi edikasyon, kredi taks pou timoun, kredi taks ou genyen Chanje Prelèvman Ou Remak: Ou ka sèvi ak rezilta ou jwenn nan Estimatè Prelèvman Fiskal la. Pou chanje prelèvman taks ou a, ou ta dwe: Konplete yon lòt Fòm W-4, Sètifika Prelèvman Fiskal Anplwaye, epi soumèt li bay patwon ou. Konplete yon lòt Fòm W-4P, Sètifika Prelèvman pou Pansyon oswa Pèman Lajan Retrè (an anglè), epi soumèt li bay moun k ap peye ou a. Fè pèman estimasyon taks oswa taks adisyonèl bay IRS anvan ane a fini Konprann Prelèvman Taks Ki Kòb ou Touche Yo Ka Fè Prelèvman sou li Kòb regilye w touche, pèman vakans ak komisyon. Ranbousman ak lòt avantaj depans yo peye w men ki pa antre nan yon plan kontabilize. Pansyon, bonis, komisyon, gany nan jwe aza epi kòk lòt revni. Kòman w Ka Konnen Kantite yo Dwe Prelve Sa depann de: Kantite kòb ou fè. Enfòmasyon ou bay patwon w lan nan Fòm W–4, Sètifika Prelèvman Fiskal Anplwaye: Remak: Ou dwe presize yon kondisyon fiskal sou Fòm W-4 epi konplete lòt pati nan fòm nan si ou espere jwenn revni anplis, dediksyon ki depase dediksyon estanda, oswa kredi taks. Ou pa ka presize sèlman yon montan dola pou patwon ou prelve. Resous yo Peye chak Fwa ou Touche, Konsa Ou p'ap Dwe (an anglè) Estimasyon Taks Piblikasyon yo Piblikasyon 15 (Fòm Sikilè E), Gid Taks pou Patwon yo - li gen ladan tablo prelèvman taks (an anglè) PDF Piblikasyon 505, Prelèvman Taks ak Estimasyon Taks (an anglè) Piblikasyon 5307, Refòm Fiskal: Enfòmasyon Debaz pou Moun ak Fanmi (an anglè) PDF Fòm Fòm 1040-ES, Estimasyon Taks pou Moun Fòm W-4 - Sètifika Prelèvman Anplwaye Fòm W-4 P, Sètifika Prelèvman pou Pansyon oswa Pèman lajan retrèt (an anglè) Fòm W-4S, Demand pou Prelèvman Taks Federal sou Revni w pou Konje Maladi (an anglè) Fòm W-4 V, Demand Volontè pou Prelèvman (an anglè)
