Skip to main content

Revni brit ajiste

Revni brit ajiste ou (AGI) se revni taksab total (brit) ou mwens kèk eleman (ajisteman). Revni brit ajiste modifye ou (MAGI) (an anglè) se revni brit ajiste ou a plis kèk dediksyon yo re- ajoute.

Ou ka bezwen AGI ou a pou:

  • Fè deklarasyon taks federal oswa eta ou yo
  • Kalifye pou opsyon deklarasyon gratis, kredi ak lòt avantaj fiskal yo

Ki kote pou jwenn AGI ou a

AGI ou a sou liy 11 nan Fòm 1040, Deklarasyon Taks sou Revni Patikilye Ameriken.

Image showing where to find AGI line 11 on Form 1040

Pou jwenn yon AGI ane anvan, ale sou Kont Anliy ou epi chwazi ane fiskal ou vle a sou onglè Dosye (Records) ak Estati (Status) a.

Si ou pa ka konekte sou Kont Anliy ou oswa kreye youn, ou kapab mande yon transkripsyon deklarasyon taks gratis pou ane anvan an.

Pou yon nouvo deklarasyon, ou kapab itilize lojisyèl taks la oswa kalkile AGI a poukont ou.

  1. Ajoute tout revni taksab ou yo. Mete montan an nan liy 9 sou Fòm 1040
  2. Soustrè tout ajisteman nan revni. Sa yo soti nan liy 26 sou Fòm 1040 Barèm 1, Revni Siplemantè ak Ajistman nan Revni (an anglè) PDF. Mete montan an nan liy 10 sou Fòm 1040 lan.
  3. Nan Fòm 1040 lan, soustrè liy 10 nan liy 9 epi mete montan an nan liy 11. Sa se revni brit ajiste w la.

1. Ajoute tout sous revni taksab yo, tankou:

  • Salè $50,000
  • Revni lokasyon $12,000
  • Salè pou tan pasyèl $8,500
  • Enterè sou obligasyon $500

Revni total la se $71,000. Mete montan sa a nan liy 9 sou Fòm 1040 lan.

2. Adisyone tout ajisteman nan revni yo (ki nan liy 26 nan Barèm 1 an), tankou:

  1. depans edikatè $250
  2. Enterè sou prè etidyan $2,500

Ajisteman total la se $2,750. Mete montan sa a nan liy 10 sou Fòm 1040 lan.

3. Soustrè ajisteman nan revni (liy 10) nan revni total la (liy 9):

  • $71,000 - $2,750 = $68,250

Montan sa a ($68,250) se revni brit ajiste a. Mete li nan liy 11 sou Fòm 1040 lan.