Peye enpo ak lajan kach nan yon revandè

IRS apwouve pwosesè peman sa yo pou voye enfòmasyon sou peman enpo ou ban nou.

ACI Payments, Inc. (an anglè)

• Limit $500 pou chak peman
• Peman total jiska $1 000 pa jou
• Frè $1.50 pou chak peman

Pay1040.com (an anglè)

• Limit $500 pou chak peman
• Limit IRS sou frekans peman yo aplike
• Frè $1.50 pou chak peman

Antre enfòmasyon sou peman enpo ou:

• Fòm enpo la ak ane peman an konsène
• Montan peman an
• Enfòmasyon ou kòm kontribyab
• Adrès imèl pou resevwa yon konfimasyon ak yon kòd bar peman

Apre sa, chwazi opsyon pou peye ak lajan kach la.

Pwosesè peman an ap voye enfòmasyon sou peman enpo ou bay IRS pou li valide yo.

Pwosesè peman an ap voye yon imèl konfimasyon ba ou. Imèl la ap soti nan customerservice@acipayonline.com oswa noreply@pay1040.com.

Nan 5 jou, pwosesè a ap voye yon dezyèm imèl ba ou ki gen kòd bar peman ou. Sa ap fèt apre IRS fin valide enfòmasyon enpo ou yo.

Enprime kòd bar peman ou oswa sove yon foto ekran sou telefòn selilè ou.

Kòd bar peman an ap ekspire 20 jou apre yo fin bay li.

Jwenn yon revandè patnè (an anglè), answit pote kòd bar peman ou ak lajan kach la pou w konplete peman ou nan revandè a.

Konsève resi ou. W ap resevwa li nan men revandè patnè a apre li fin trete peman ou. Resi a konfime peman enpo ou. Kenbe li ak dosye ou yo.