To Echanj Deviz an Mwayèn pa Ane

Konvèti lajan etranje an dola ameriken

Ou dwe eksprime kantite lajan ou te rapòte nan deklarasyon taks ou a an dola ameriken. Kidonk, ou dwe konvèti lajan etranje a an dola ameriken si ou resevwa revni oswa fè depans ak lajan etranje. An jeneral, itilize to echanj ki te aplikab (sa vle di pri lajan kontan) nan moman ou te resevwa, peye oubyen akimile pwodui a.

Sèl eksepsyon ki genyen nan règleman sa a gen rapò ak  inite biznis kalifye yo (QBU) (an Anglè), ki gen dwa nòmalman pou yo itilize lajan peyi etranje. Si ou gen yon QBU ki ap fonksyone ak yon lajan ki pa dola ameriken, fè tout kalkil revni ki antre yo nan inite fonksyonèl QBU a, epi lè sa aplikab, konvèti revni sa a oswa pèt sa a selon to echanj ki aplikab la.

Konsa tou yon kontribyab ka oblije rekonèt pwofi oswa pèt nan deviz yo fè nan deseri tranzaksyon lajan etranje. Gade nan seksyon 988 ki nan Kòd Revni Entèn lan ansanm ak règleman ki ladan l.

Remak:Ou dwe voye pèman taks peyi Ezetazini yo bay Sèvis Revni Entèn (IRS) an dola Ameriken.

To Echanj Deviz

Sèvis Revni Entèn pa gen okenn to echanj ofisyèl. Jeneralman, li aksepte nenpòt to echanj ki pibliye e moun itilize tout tan.

Lè w ap kalkile valè yon lajan peyi etranje ki sèvi ak plizye to echanj, sèvi ak to ki aplikab nan ka pa w la ak sitiyasyon pa w la dirèktmman.

Remak: To echanj ki mansyone nan paj sa a pa aplikab lè w ap peye IRS kòb taks Etazini. Si IRS resevwa pèman taks Etazini nan deviz etranje, to echanj IRS ap itilize pou konvèti deviz etranje a an dola Ameriken an ap baze sou dat lè bank ki ap fè pèman an konvèti deviz etranje a an dola Ameriken, li p ap sèvi ak dat IRS resevwa pèman deviz etranje a.

To Echanj Deviz an Mwayèn pa Ane

Pou ka jwenn lòt to echanj ki pa ekri nan lis anba la a, al gade nan resous gouvènmantal ak resous eksteryè ki ekri nan paj Lajan Etranje ak To Echanj yo (an Anglè) oswa nenpòt lòt to echanj ki pibliye (moun itilize toutan).

Pou konvèti lajan etranje an dola ameriken, divize montan lajan etranje a pa to echanj ànyèl mwayen ki aplikab selon tab ki ekri anba la a. Pou konvèti dola ameriken an lajan etranje, miltiplye montan dola ameriken an pa to echanj ànyèl mwayen ki aplikab selon tab ki ekri anba la a.

Referans/Sijè Ki Lye Ak Sa

• Deviz Etranje ak To chanjman Deviz (an Anglè)