Ranbousman

Montan egzak ranbousman w lan, nimewo Sekirite Sosyal ou oswa ITIN ou, sitiyasyon deklarasyon enpo ou a, ak ane enpo la, tout bagay sa yo endike sou deklarasyon enpo ou a. Si ou pa gen deklarasyon enpo ou, ou ka mande yon kopi dosye enpo ou ak transkripsyon ou yo.

Ranbousman ou an ka retade pou:

• Yon erè komen. Sa yo enkli bliye siyen deklarasyon w lan oswa fè yon erè nan matematik.
• Reklame Kredi pou Revni Travay la. Dapre lalwa, ranbousman ki gen ladan kredi sa a kenbe jiska mitan mwa fevriye a pou anpeche fwod.
• Reklame Kredi Enpo Siplemantè pou Timoun nan. Kredi sa a ka konplike epi li mande plis tan pou revize.
• Ranpli yon deklarasyon modifye. IRS dwe konpare de (2) deklarasyon yo epi revize toulede.
• Ap mande èd pou konjwen ki blese a. Sa mande pou IRS trete ka w la manyèlman.

Pafwa nou oblije fè chanjman ak koreksyon nan deklarasyon enpo ou a, sa ki ka diminye montan ranbousman ou an (an anglè). Si ou gen yon balans enpo ki poko peye, yon pati nan ranbousman ou an ka aplike otomatikman sou balans sa a atravè Pwogram Konpansasyon Trezò a (TOP). Balans sa yo gen ladan yo pansyon alimantè pou timoun ki anreta, dèt federal ak leta oswa obligasyon enpo, oswa dèt konpansasyon chomaj. Ranbousman ou an kapab aplike tou sou dèt mari oswa madanm ou sou yon deklarasyon ansanm pou moun marye.

Pafwa nou fè chanjman oswa koreksyon nan deklarasyon enpo ou a, sa ki ka ogmante kantite lajan ranbousman ou an. Lè sa rive, nou voye yon avi pa lapòs ki eksplike ajisteman an nan adrès ou te anrejistre a. Si ou kwè ranbousman ou an ogmante aksidantèlman oswa ou resevwa yon ranbousman ou pa gen dwa resevwa, ou dwe retounen ranbousman ki te fèt pa erè a (an anglè) san pèdi tan.

Si ou pèdi chèk ranbousman ou an, ou dwe inisye yon rechèch ranbousman.

• Sèvi ak Kote Ranbousman Mwen an, rele liy dirèk otomatik la nan 800-829-1954 , oswa pale ak yon reprezantan nan 800-829-1040 (gade asistans telefòn nan pou lè ouvèti yo).
  • Si ou te ranpli yon deklarasyon ansanm kòm moun marye, ou pa ka kòmanse yon trasaj avèk sistèm otomatik yo. Rele epi pale ak yon reprezantan pou kòmanse pwosesis la oswa telechaje epi ranpli Fòm 3911, Deklarasyon Kontribyab Konsènan Ranbousman (an anglè) PDF.

Si yo vòlè chèk ranbousman ou an, ou ka fè yon reklamasyon nan youn nan de fason sa yo:

• Ankese – Si chèk ranbousman an te ankese, Biwo Sèvis Fiskal la (BFS) (an anglè) ap ba ou yon pakè reklamasyon ki gen ladan yon kopi chèk ki te ankese a ak enstriksyon pou mande yon nouvo chèk.
• Pa ankese – Si chèk la pa te ankese, w ap resevwa yon ranbousman pa lòt mwayen yon fwa chèk orijinal la anile.

Erè rive. Ou ka korije oswa modifye deklarasyon w lan avèk yon Fòm 1040-X. Pa voye yon lòt Fòm 1040 ak chanjman yo. Voye yon dezyèm deklarasyon kreye yon doub soumèt ki pral ralanti pwosesis deklarasyon w lan epi ki ka retade ranbousman w lan.

Ou ka verifye estati yon deklarasyon modifye apre twa semèn avèk Kote Deklarasyon Modifye Mwen an? Deklarasyon modifye yo ka pran jiska 16 semèn pou trete.