)
oswa https:// vle di ou konekte ak sitwèb .gov san danje. Pataje enfòmasyon sansib sèlman sou sit entènèt ofisyèl ki an sekirite.
Konsèy Fiskal IRS 2025-17, 13 mas 2025
Kontribyab ki vle ranpli deklarasyon taks federal gratis yo gen plizyè opsyon ki ofri preparasyon taks sou entènèt, ranpli elektwonikman ak depo dirèk ranbousman yo a gratis.
IRS Direct File
Kontribyab ki elijib ki sèvi ak Direct File (an anglè) kapab ranpli deklarasyon taks federal ane 2024 yo a sou entènèt – toujou gratis – dirèkteman bay IRS. Sèvis sa a ki sou entènèt disponib an Anglè ak Panyòl. Avèk IRS Direct File, kontribyab yo kapab:
- Enpòte done ki soti nan kont IRS yo a, ki gen ladan l enfòmasyon pèsonèl yo, IP PIN yo a, ak kèk enfòmasyon ki soti nan W-2 yo, si sa disponib.
- Ajoute enfòmasyon fiskal yo a grasa gid etap pa etap la.
- Konvèsasyon an dirèk ak sipò kliyan IRS Direct File nan lang anglè ak panyòl.
- Prepare epi depoze pa mwayen yon telefòn entèlijan, laptop, tablèt oswa òdinatè biwo.
- Depo dirèk ranbousman yo a oswa fè yon peman taks sou entènèt.
Direct File disponib 24/7 pou kontribyab ki elijib nan 25 eta k ap patisipe yo, ki rapòte sèten kalite revni, kredi ak dediksyon.
IRS Free File
IRS Free File se yon fason rapid, san danje epi gratis pou ranpli deklarasyon taks federal sou entènèt. Chak patnè IRS Free File etabli pwòp estanda kalifikasyon pa yo, ki jeneralman baze sou revni, laj ak rezidans eta a. Tout kontribyab ki satisfè limit revni brit ajiste $84 000 pral jwenn omwen yon pwodwi gratis pou l itilize.
Lojisyèl preparasyon taks sa a disponib pou ede kontribyab yo ak fanmi yo:
- Jwenn ak kalkile kredi taks ki gen anpil valè tankou Kredi Taks sou Revni ou Touche, Kredi Taks pou Timoun ak Kredi pou Swen Timoun ak Depandan (an anglè).
- Chèche pami founisè fyab IRS Free File yo, oswa itilize zouti ki nan aplikasyon an pou ede w jwenn pwodwi ki pi byen satisfè bezwen w yo.
- Ranpli taks yo a sou nenpòt òdinatè pèsonèl, tablèt oswa telefòn entelijan.
Fòm Deklarasyon pou Ranpli Gratis (an anglè), vèsyon elektwonik fòm papye IRS, disponib san limit revni. Pwodwi FFFF a pi bon pou nenpòt moun ki konfòtab pou prepare pwòp taks yo. Gen kèk pwodwi ki disponib an panyòl (an anglè).
MilTax
Depatman Defans lan ofri lojisyèl MilTax sou entènèt (an anglè), ki disponib pou fanmi militè yo, retrete militè yo ak kèk veteran. kontribyab ki elijib yo kapab itilize MilTax pou prepare epi soumèt elektwonikman deklarasyon taks federal yo ak jiska twa (3) deklarasyon leta gratis.
Èd pou ranpli taks an pèsòn
Kontribyab ki kalifye yo kapab jwenn èd gratis pèsonalize pou preparasyon taks nan tout peyi a nan pwogram Volontè Asistans Taks sou Revni ak Konsèy sou Taks pou Moun Aje yo.