Konsèy Fiskal IRS 2022-71, 9 me 2022 Ti biznis jwe yon wòl enpòtan nan ekonomi peyi a. IRS ofri yon varyete zouti ak resous pou ede pwopriyetè ti biznis yo ak travayè endepandan yo konprann epi ranpli obligasyon fiskal yo. Men kèk pwen enpòtan nan Semèn Nasyonal pou Ti Biznis ane sa a. Enfòmasyon ak Resous pou Kòmanse yon Biznis Sant Taks pou Ti Biznis ak Travayè Endepandan: Resous anliy sa a ta sipoze premye kote pou pwopriyetè biznis yo ale pou aprann sou pwoblèm taks ki gen pou wè ak posede yon biznis. Konprann responsablite fiskal ki gen rapò ak kòmanse yon biznis Konsèy fiskal sa a gen enfòmasyon pou ede antreprenè yo mete biznis yo kanpe. Sant Taks pou Ekonomi Ti Travay: Pou kontribyab yo ki angaje yo nan ekonomi ti travay la, sit sa a reponn kesyon taks yo, lyen ki mennen nan fòm ak resous ki gen rapò ak aktivite kote moun yo touche revni ki jenere apati de travay yo fè sou demand, sèvis oswa machandiz atravè yon aplikasyon oswa sit entènèt. Fòm ak Piblikasyon pou Ti Biznis (an anglè): Anplwayè yo ka chwazi epi telechaje plizyè fòm pou ti biznis ak fòm ak piblikasyon pou travayè endepandan oswa rele 800-829-3676 pou kòmande fòm ak piblikasyon yo pa lapòs. Poukisa peye enpo estime enpòtan Pwopriyetè ti biznis yo ak travayè endepandan yo gendwa peye enpo estime. Lè yo fè sa, sa ka ede yo evite yon bòdwo taks sanzatann ak petèt yon penalite lè yo fè deklarasyon yo ane pwochèn. Patikilye yo ak biznis yo oblije peye taks pandan y ap touche oswa resevwa revni pandan ane a. Sa a fèt swa atravè prelèvman taks oswa pèman enpo estime. Sa a ede kouvri taks anplwaye a dwe. Pou pwopriyetè ti biznis yo ak travayè endepandan yo, anjeneral sa vle di peye taks chak trimès. Taks sa yo sèvi pou peye non sèlman taks sou revni, men taks sou travay endepandan ak taks minimòm altènatif. Planifye davans pou pwofite avantaj fiskal pou 2022 Manke prèske yon ane pou dat limit pou fè deklarasyon taks pou ane pwochèn nan rive. Sepandan, li pa twò bonè pou antreprenè yo idantifye potansyèl avantaj fiskal yo (an anglè) epi poze aksyon pou yo kapab kalifye pou yo. Lè w fè sa kounye a, sa ka pèmèt reklamasyon yo fèt pi fasil lè y ap fè deklarasyon yo an 2023. Avantaj sa yo genyen ladan yo dediksyon amelyore manje biznis, dediksyon biwo, lojman ak plis toujou. Plis enfomasyon: Paj Semèn Ti Biznis (an anglè) Lis videyo YouTube sou Ti biznis IRS (an anglè)
