)
oswa https:// vle di ou konekte ak sitwèb .gov san danje. Pataje enfòmasyon sansib sèlman sou sit entènèt ofisyèl ki an sekirite.
Anvan ou peye ak chèk, konsidere peye elektwonikman. Li rapid, fasil epi an sekirite.
Opsyon peman elektwonik
Ou ka fè pifò peman enpo komen yo nan kont endividyèl ou. Pou lòt peman enpo, sèvi ak Peman Dirèk ak kont labank ou. Jwenn fòm Peman Dirèk aksepte yo.
Si w poste pèman enpo ou:
- Fè chèk, manda lajan, oubyen chèk kès sou non U.S. Treasury.
- Pran nòt souple: Pa poste lajan likid. Si w pito peye ak lajan nan pòch, voye je nan "Plis enfòmasyon."
- Antre montan an ak tout chif yo konsa ($###.##).
- Pa itilize agrafez oubyen klip pou atache pèman an ak fich pèman an ni ak deklarasyon an.
- Asire w enfòmasyon sa yo akonpaye chèk la oubyen lajan w voye a:
- Non w ak adrès ou
- Nimewo telefòn yo ka jwenn ou lajounen
- Ane fiskal pèman an ap fèt pou li a
- Fòm enpo ki konsène (tankou “1040) oswa nimewo avi
- Nimewo Sekirite Sosyal ou (SSN), nimewo idantifikasyon anplwayè (EIN), oswa nimewo idantifikasyon kontribyab pèsonèl (ITIN) moun ki ta dwe resevwa kredi pou pèman an
- Si ou te fè yon deklarasyon enpo ansanm men yo te evalye montan yo separe (an anglè) pou oumenm ak konjwen w lan, ekri tou “MFT 31 separate assessment” sou liy memo a
- Si w ap voye yon peman pa lapòs avèk Fòm 1040-V, Fich Pèman (an anglè) sèvi ak lapòs regilye. Sèvi ak sèvis livrezon prive yo ka retade pwosesis peman ou.
- Poste pèman w voye nan adrès ki figire sou lèt avi a oubyen enstriksyon, osinon konsilte tablo ki anba la a.
| Ki sitiyasyon pèman w? | |
|---|---|
| Pèman ak deklarasyon | Ale nan enstriksyon ki sou fòm ou an, oubyen chache adrès kòrèk selon eta a oubyen fòm lan. |
| Ou te Resevwa yon notifikasyon | Swiv enstriksyon pèman ki nan notifikasyon w resevwa a |
| Peye sèlman (Moun ki te gentan deklare) | Moun: Jwenn kote pou w voye rès pèman ou dwe yo (an anglè) Biznis: Demach yo ka varye selon diferan tip taks Aprann plis. |
| Peye yon vèsman | Swiv enstriksyon ki nan lèt avi w la, oubyen chache ki bò pou w voye rès pèman w dwe yo (an anglè). |
Avi pou kontribyab yo k ap prezante chèk
Lè ou peye ak yon chèk, ou otorize nou pou itilize enfòmasyon ki sou chèk ou a pou fè yon transfè lajan elektwonik yon sèl fwa soti sou kont ou oswa pou fè pèman an tankou yon tranzaksyon chèk. Lè nou itilize enfòmasyon ki sou chèk ou a pou n fè yon transfè lajan elektwonik, lajan an kapab soti sou kont ou a imedyatman nan menm jou nou resevwa pèman w lan, epi ou pap retounen resevwa chèk ou a ankò nan men enstitisyon finans ou an.
Pi gwo pèman
Nou p ap ka aksepte yon chèk ou byen yon manda lajan $100 milyon dola ou plis. Ou ka peye plizyè fwa ou byen fè pèman elektwonik jou pou jou (an anglè).
Plis enfòmasyon
- Si w chwazi peye ak lajan nan pòch, pase pa yon patnè detayan oubyen chache konnen si y ap aksepte pèman nan pòch nan yon biwo IRS ki tou pre w
- Fòrm 1040-V Fich Pèman ak Enstriksyon (an anglè) PDF
- Konprann Notifikasyon oubyen Lèt IRS Ou Resevwa