Fason pou resevwa relve Ou ka enskri pou itilize Kont Endividyèl sou Entènèt pou wè, enprime, oswa telechaje tout tip Relve ki nan lis anba a. Si ou pa kapab enskri oswa ou prefere pa itilize Kont Endividyèl sou Entènèt, ou ka fè kòmann yon relve deklarasyon taks epi/oswa yon relve kont taks ou atravè Resevwa relve pa lapòs oswa lè ou rele nan 800-908-9946. Tanpri tann ant 5 a 10 jou ouvrab avan yo livre li. Ou kapab fè demann pou nenpòt ki kalite relve ki nan lis anba la a tou lè ou soumèt Fòm 4506-T, Fè Demann pou Relve Deklarasyon Taks (an anglè). Chèche konnen kijan pou w jwenn yon relve nòt enpo biznis. Tip relve ki genyen yo Nou ofri tip relve sa yo gratis: Relve deklarasyon enpo - montre pifò eleman ki nan liy nan deklarasyon taks inisyal seri Fòm 1040 yo, jan ou te soumèt li a, ansanm ak tout lòt fòmilè ak barèm. Li pa montre chanjman ki te fèt aprè ou te fin soumèt deklarasyon inisyal la. Relve sa a disponib pou ane fiskal aktyèl la ak twa (3) ane fiskal anvan. Yon relve deklarasyon taks nòmalman satisfè bezwen yon etablisman ki prete moun lajan ki ap ofri ipotèk. Relve kont enpo - montre done de baz tankou kondisyon fiskal, revni an gwo ajiste, revni taksab ak kalite pèman yo. Li montre chanjman ki te fèt aprè ou te fin soumèt deklarasyon inisyal la tou. Relve sa a disponib pou ane fiskal aktyèl la ak nèf (9) ane fiskal anvan yo atravè Kont Endividyèl sou Entènèt, epi ane aktyèl la ak twa (3) ane anvan yo atravè Jwenn Relve pa Lapòs oswa lè ou rele nan 800-908-9946. Nou kapab jwenn ane sa yo ak ane fiskal anvan yo lè nou soumèt Fòm 4506-T (an anglè). Dosye sou relve kont - konbine Relve deklarasyon taks ak Relve kont taks ki ekri anwo a la pou fè yon sèl rapò. Relve sa a disponib pou ane fiskal aktyèl la ak twa ane fiskal anvan yo. Relve sou salè ak revni - montre done ki soti nan deklarasyon enfòmasyon nou resevwa yo tankou Fòm W-2, 1098, 1099 ak 5498. Relve a limite a apeprè 85 dokiman revni. Si ou gen plis dokiman pase kantite sa a, ou pap jwenn relve a lè w itilize Kont Endividyèl sou Entènèt la. W ap resevwa yon avi anliy k ap di ou demann relve w la pat kapab trete epi pou w soumèt Fòm 4506-T (an anglè) pou w fè demann lan. Si ou wè yon mesaj "Pa gen Anrejistreman deklarasyon ki fèt" pou aktyèl ane fiskal la, sa vle di enfòmasyon an poko rive sou relve a. Retounen verifye pita nan mwa me a. Relve sa a disponib pou aktyèl ane fiskal la ak nèf (9) ane empo anvan yo. Verifikasyon lèt pou moun ki pa deklare - di IRS pa gen okenn dosye sou okenn deklarasyon taks seri Fòm 1040 ki trete anvan dat demand lan. Li pa revele si ou gen obligasyon pou deklare revni w pou ane ki konsène a. Lèt sa a disponib aprè 15 Jen pou ane fiskal aktyèl la oswa nenpòt lè pandan twa (3) ane fiskal ki sot pase la yo. Itilize Fòm 4506-T (an anglè) si ou bezwen yon lèt pou ane fiskal anvan yo. Note Byen: Yon relve se pa yon fotokopi deklarasyon taks ou. Si ou bezwen yon kopi deklarasyon orijinal ou, Soumèt Fòm 4506, Demann pou Kopi Deklarasyon Taks (an anglè), Al gade nan fòm nan pou ou konnen kantite tan pou tretman an ak frè a. Vizite paj FAQ yo sou Sèvis transkripsyon pou moun (an anglè) pou plis enfòmasyon. Retounen nan Jwen dosye enpo ou ak transkripsyon yo Lòt Eleman ki Lye ak sa Disponiblite Transkripsyon (an anglè) FAQ sou Resevwa Transkripsyon (an anglè)
