La a w ap jwenn atik ki enterese moun kounye a — nouvo pwogram, enstriksyon resan oswa rapèl ki vin nan bon moman yo. Mizajou enpo ak nouvèl ki soti nan IRS Paj Mizajou enpo ak nouvèl ki soti nan IRS la fèt pou ede nenpòt moun, kit y ap prepare deklarasyon enpo yo kounye a, oswa y ap tann tretman yon deklarasyon, oswa yon ranbousman ak dènye mizajou sou lèt IRS, oswa avi yo. Nouvo mizajou yo pral parèt nan tèt paj sa a; IRS pral bay enfòmasyon enpòtan tou atravè rezo sosyal yo. Reklamasyon twonpri konsènan “Kredi Enpo pou Travayè Endepandan” ki pa egziste IRS te pibliye yon alèt pou konsomatè akoz move konsèy k ap sikile sou rezo sosyal konsènan "Kredi Enpo pou Travayè Endepandan” ki pa egziste (an anglè) k ap twonpe kontribyab yo pou yo fè fo reklamasyon. Pwomotè yo ak rezo sosyal yo ap simen enfòmasyon ki pa kòrèk, ki sijere anpil moun kalifye pou kredi enpo ak peman jiska $32 000, men an reyalite se pa vre. Yo ankouraje kontribyab yo pale ak pwofesyonèl enpo w fè konfyans epi pa konte sou espesyalis marketè yo oswa rezo sosyal pou konsèy enpo. IRS kolekte $1 milya nan enpo ki te dwe nan men milyonè yo Kòm yon pati nan efò kontinyèl konfòmite anba Lwa sou Rediksyon Enflasyon an, IRS te anonse ajans la te depase mak $1 milya nan koleksyon nan men kontribyab ki gen gwo richès ak enpo ki te dwe peye yo (an anglè). Efò konfòmite ajans lan te pwodwi plis pase $1 milya nan koleksyon gwoup sa a, gen plis travay k ap kontinye nan domèn sa a. Fwod ki vize dilè ak vandè machin yo IRS avèti moun ak biznis yo pou yo rete vijilan kont èskwokri k ap evolye ak mesaj tèks ki twonpe moun (an anglè), ki ka afekte operasyon kotidyen biznis la. IRS ankouraje konsesyonè machin yo pou yo pran anpil prekosyon konsènan mesaj yo pa mande epi pou yo evite klike sou lyen ki nan yon imèl oswa mesaj tèks yo pa t mande si yo pa sèten. Fwod ak konsèy sou rezo sosyal ki pa kòrèk: Kesyon yo poze souvan IRS te pibliye kesyon yo poze souvan (an anglè) ki konsène yon seri fwod ak konsèy sou rezo sosyal ki pa kòrèk. Konplo rezo sosyal yo te lakòz plizyè milye reklamasyon ranbousman egzajere pandan sezon enpo ki sot pase a. Yo avèti kontribiyab yo pou yo pa tonbe nan magouy sa yo ki santre sou kredi enpo sou gaz, kredi pou konje maladi ak fanmi, ak enpo sou travayè kay moun. Fwod kredi enpo sou enèji pwòp IRS avèti kontribyab yo pou yo pa viktim yon nouvo magouy ki konsène achte kredi enpo sou enèji pwòp. IRS wè sikonstans kote preparatè deklarasyon enpo malonèt yo defòme règ yo pou reklame kredi enèji pwòp dapre Lwa sou Rediksyon Enflasyon (IRA). Kontribyab endividyèl ki konsidere achte kredi enèji pwòp anba IRA a ta dwe konsilte yon pwofesyonèl enpo yo fè konfyans pou detèmine si yo elijib pou achte kredi ak reklame benefis enpo yo. Pwoteje kliyan w yo; Pwoteje tèt ou seri sezon lete yo Ak nouvo èskrokri k ap evolye, IRS ak patnè Sekirite Somè a te anonse kòmansman yon kanpay sezon ete espesyal Pwoteje kliyan w yo; Pwoteje tèt ou (an anglè); pou ede pwofesyonèl enpo yo pwoteje tèt yo kont nouvo menas kontinyèl vòl idantite ki gen rapò ak enpo. Tcheke estati ranbousman ou a Kontribyab yo ka swiv ranbousman yo fasilman, lè yo vle a, ak zouti IRS kote ranbousman mwen an? nan IRS.gov/refunds epi ak aplikasyon IRS2Go a. Estati ranbousman an disponib nan lespas 24 èdtan apre IRS fè kontribyab la konnen yo te resevwa deklarasyon elektwonik la. Zouti a bay kontribyab la yon dat ranbousman pèsonalize tou, apre IRS trete deklarasyon an epi apwouve ranbousman an.
