Konsèy Fiskal IRS 2022-115, 28 Jiyè 2022 Lè kontribyab yo gen yon kesyon, premye kote yo ta dwe ale se sou IRS.gov. Paj Kite Nou Ede W la se yon bon mwayen pou jwenn repons ak kesyon sou taks yo rapid. Moun ki rele IRS la pou lòt asistans ap bezwen genyen enfòmasyon yo disponib pou verifye idantite yo. Sa se nan efò ajans lan ap fè pou li kenbe done kontribyab yo an sekirite kont vòl idantite yo. Reprezantan IRS la sèlman diskite sou enfòmasyon pèsonèl avèk kontribyab la oswa yon moun kontribyab la otorize pou pran lapawòl sou non li. Pou asire ke yo pa gen pou yo retounen rele, kontribyab yo ta dwe genyen enfòmasyon sa yo pare: Nimewo Sekirite Sosyal (SSN) ak dat nesans pou sila ki gen non yo sou deklarasyon enpo a Yon lèt Nimewo Idantifikasyon Kontribyab Pèsonèl (ITIN) si kontribyab la gen yonn olye yon SSN Kondisyon fiskal yo: selibatè, chèf fwaye, marye k ap fè deklarasyon konjwen, marye k ap fè deklarasyon separe, oswa vèf oubyen vèv kalifye avèk yon timoun ki sou kont yo Deklarasyon enpo ane anvan an. Asistan telefòn yo ka bezwen verifye idantite kontribyab la avèk enfòmasyon ki nan deklarasyon an anvan li reponn kèk kesyon Yon kopi deklarasyon enpo ki konsène a Tout lèt oswa avi IRS kontribyab la resevwa Dapre lalwa, asistan telefòn yo ap pale sèlman avèk kontribyab la oswa reprezantan legal (an anglè) kontribyab la chwazi. Si kontribyab yo oswa pwofesyonèl enpo yo ap rele pou kont yon lòt moun, yo ta dwe pare pou verifye idantite yo epi bay enfòmasyon konsènan moun y ap reprezante a: Yon otorizasyon vèbal oswa ekri tyès la bay, pou diskite sou kont lan Kapasite pou verifye non kontribyab la, SSN oswa ITIN nan, peryòd fiskal la, ak fòm fiskal ki depoze yo Nimewo Idantifikasyon Fiskal Pwofesyonèl (an anglè) oswa PIN si se yon tyès yo chwazi Yonn nan fòm sa yo, ki aktyèl, konplete epi siyen: Fòm 8821, Otorizasyon pou Enfòmasyon Fiskal (an anglè) Fòm 2848, Delegasyon Pouvwa ak Deklarasyon Reprezantan an (an anglè) Abòne nan Konsèy Fiskal IRS yo (an anglè)
