Konsèy Fiskal IRS 2023-116, 28 Septanm 2023 Li pa janm twò bonè pou kòmanse planifye pou pran retrèt. Kont Retrèt Endividyèl yo (IRA) bay sitwayen yo ensitasyon fiskal pou fè envestisman ki kapab ba yo sekirite finansyè lè yo pran retrèt yo. Kont sa yo kapab fèt nan yon bank oswa yon enstitisyon finansyè, yon konpayi asirans vi, fon komen oswa koutye k ap travay nan yon mache finansye. Yon IRA tradisyonèl se kalite ki pi komen nan kont retrèt endividyèl. IRA yo kite benefis yo ogmante lè yo difere enpo. Moun yo peye enpo sou benefis envestisman yo sèlman lè yo fè retrè. Depozitè yo ka anmezi pou reklame yon dediksyon (an anglè) sou deklarasyon enpo federal endividyèl yo pou kantite lajan yo kontribye nan yon IRA. Kisa pou konsidere anvan ou envesti nan yon IRA tradisyonèl Yon IRA tradisyonèl se yon plan ekonomi pèsonèl ki gen avantaj fiskal kote dediksyon enpo gendwa fèt sou kontribisyon yo. Jeneralman, lajan ki nan yon IRA tradisyonèl pa gen enpo sou li jiskake ou fè retrè a. Gen kèk sou limit kontribisyon anyèl, tou depan de laj moun nan ak tip IRA a. Lè yo planifye pou ou fè retrè nan yon IRA, kontribyab yo sipoze konnen: Yo gendwa fè fas ak yon penalite 10% ak bòdwo enpo si yo ta retire lajan an avan 59½ lane, sof si yo ta kalifye pou yon eksepyon (an anglè). Jeneralman, yo sipoze kòmanse fè retrè (an anglè) nan IRA yo lè yo gen 73 lane (72 lane si you gen 72 lane an 2022). Pou ane fiskal 2019 la ak ane anvan yo, laj la te 70½. Gen règleman distribisyon espesyal ki aplikap pou Benefisyè IRA yo (an anglè). Diferans ant yon Roth (kont ou depoze lajan lè yo fin retire enpo a) ak yon IRA tradisyonèl Yon IRA Roth se yon lòt plan ekonomi pèsonèl ki gen avantaj fiskal ki chita sou menm règleman ak IRA tradisyonèl yo men gen eksepsyon (an anglè): Yon kontribyab pa ka dedui kontribisyon li fè nan yon IRA Roth. Distribisyon ki kalifye (an anglè) pa gen enpo. IRA Roth yo pa mande pou se lè pwopriyetè a mouri pou retrè fèt. Lòt kalite IRA Pansyon Senplifye Anplwaye- YON SEP IRA (an anglè) mete sou pye pa yon anplwayè. Anplwayè a depoze kontribisyon yo dirèkteman nan IRA li te fè pou chak anplwaye li yo. Plan Ensitasyon Epay pou Anplwaye ho- YON IRA SIMPLE (an anglè) pèmèt anplwayè a ak anplwaye yo kontribye nan yon IRA yo mete sou pye pou chak anplwaye. Li se yon plan retrèt pou kòmanse ekonomize, pou anplwaye ki poko ap esponsorize yon plan retrèt. Dediksyon Pewòl IRA (an anglè) - Anplwaye yo mete yon IRA tradisyonèl oswa Roth ak yon enstitisyon finansyè epi otorize yon akò dediksyon pewòl ak anplwayè yo. Refinansman IRA – Yon pwopriyetè IRA resevwa yon pèman ki soti nan plan retrèt epi li depoze li nan yon lòt IRA (an anglè) pou 60 jou yo. Plis enfòmasyon: Piblikasyon 590-A, Kontribisyon apati yon plan retrèt endividyèl (IRA) (an anglè) Piblikasyon 590-B, Kontribisyon apati yon plan retrèt endividyèl (an anglè) Sijè nimewo 557, Enpo adisyonèl sou distribisyon antisipe apati IRA tradisyonèl yo ak Roth (an anglè) Sijè nimewo 413 Refinansman yo nan plan retrèt yo (an anglè) Sijè nimewo 451, Plan Retrèt Pèsonèl yo (an anglè) Abòne nan Konsèy Fiskal IRS yo (an anglè)
