Nan atik anba a, tout kote ki pale de enpo sou travayè endepandan vle di enpo Sekirite Sosyal ak Medicare sèlman epi tou sa pa gen pou wè ak okenn lòt enpo yon moun ki ap travay ak tèt li gen pou l peye. Lis eleman ki anba la yo pa genyen tout bagay enkli ladann. Lòt enfòmasyon ka apwopriye pou tip biznis espesifik ou a.
- Kisa enpo sou travay endepandan ye?
- Ki moun ki dwe peye enpo sou travay endepandan?
- Kòman pou peye enpo sou travay endepandan?
Kisa enpo sou travayè endepandan ye?
Enpo sou travayè endepandan se yon enpo ki gen ladann enpo Sekirite Sosyal ak Medicare espesyalman pou moun ki ap travay ak tèt yo. Li menm jan ak enpo Sekirite Sosyal ak Medicare yo prelve nan salè pifò anplwaye salarye yo.
Anplwayè yo kalkile enpo Sekirite Sosyal ak Medicare pou majorite anplwaye salarye yo. Men, w ap rive kalkile enpo sou travayè endepandan (enpo SE(Self-Employment)) an lè w itilize Barèm SE (Fòmilè 1040 (an anglè) oswa 1040-SR (an anglè)). Epi tou, nan kalkile revni an gwo ajiste w, ou ka dedwi pòsyon nan enpo sou SE w ki menm valè ak pa anplwayè a. Salarye yo pa ka dedwi enpo Sekirite Sosyal ak Medicare yo.
To enpo sou travayè endepandan
To enpo sou travayè endepandan se 15,3% li ye. To a gen de pati ladann: 12,4% pou sekirite soyal (asirans laj avanse, asirans sivivan, asirans andikap) epi 2,9% pou Medicare (asirans lopital).
Pou ane 2024 la, Premye $168 600 salè w, poubwa, ak revni w antre, yo sijè a konbinezon pati enpo sekirite sosyal sou travayè endepandan an, enpo sekirite sosyal, oubyen enpo retrete konpayi tren yo (nivo 1). (Ale nan Barèm SE (an anglè) pou to SE ane avan (yo).
Si salè w ak poubwa w sijè a enpo sekirite sosyal oubyen nivo 1 nan pati enpo retrèt ouvriye konpayi tren yo, epi total la pi piti pase $168 200, pa peye 12,4% pati enpo SE sekirite sosyal pou okenn nan revni net ou a. Sepandan, ou dwe peye 2,9% pati enpo Medicare SE a sou tout net revni w yo.
Ou dwe peye yon enpo medicare adisyonèl 0,9% si salè w, reminerasyon ak revni travayè endepandan w (ansanm ak pa konjwen ou si nou ranpli yon deklarasyon ansanm) depase limit montan pou kondisyon fiskal ou:
| Kondisyon fiskal | Limit montan |
|---|---|
| Marye ap deklare ansanm | $250,000 |
| Marye ap deklare separeman | $125,000 |
| Selibatè | $200,000 |
| Chèf Fwaye a (ak yon moun ki elijib) | $200,000 |
| Vèv (Vèf) ki kalifye ak pitit ki depandan | $200,000 |
Pou plis enfòmasyon, ale nan paj Kesyon ak repons sou enpo adisyonèl Medicare (an anglè) a.
Si w sèvi ak ane fiskal ki pa ane sivil la, ou dwe sèvi ak to enpo ak limit maksimòm salè ki anvigè nan kòmansman ane fiskal la. Menmsi to enpo la oswa limit maksimòm salè yo chanje pandan ane fiskal la, kontinye sèvi ak menm to ak limit la pandan ane fiskal la.
Dediksyon enpo sou travay endepandan
Nan kalkile revni an gwo ajiste w, ou ka dedwi pòsyon nan enpo sou travay endepandan w ki menm valè ak pa anplwayè a. Dediksyon sa a sèlman afekte enpo sou revni w. Li pa afekkte ni benefis fran ou fè nan travay endepandan ni enpo sou travay endepandan w.
Si w ranpli Fòmilè 1040, Deklarasyon Enpo sou Revni Endividyèl oubyen 1040-SR, Deklarasyon Enpo pou Granmoun Aje nan Etazini (an anglè), ou ka elijib pou reklame Kredi Enpo pou Revni w Antre (Earned Income Tax Credit (EITC)). Aprann plis sou EITC a oubyen sèvi ak Asistan EITC a pou w rive konnen si w elijib.
Dediksyon enpo sou asirans sante travayè endepandan
Daprè Seksyon 2042 Lwa sou Travay Ti Antrepriz yo, travayè endepandan yo, pou rezon fiskal, ka benefisye yon dediksyon pou lajan yo peye asirans sante. Dediksyon sa a jwenn tout konsiderasyon l lè y ap kalkile revni nèt sou travay endepandan. Gade Enstriksyon pou Fòm 1040 ak Fòm 1040-SR PDF ak Enstriksyon pou Barèm SE (anglè) PDF pou kalkile ak reklamasyon dediksyon an.
Ki moun ki dwe peye enpo sou travay endepandan?
Ou dwe peye enpo sou travay endepandan epi ranpli Barèm SE (anglè) (Fòm 1040 oswa Fòm 1040-SR (anglè)) si youn nan sa yo aplikab.
- Lajan travay endepandan w (revni pou anplwaye legliz pa konte) fè te $400 oswa plis.
- Kòm anplwaye legliz, revni w te $108.28 oswa plis.
Jeneralman, lajan ou fè nan travay endepandan sijè a enpo sou travay endepandan. Si w travay endepandan swa kòm sèl mèt travay oubyen kòm yon kontraktyèl endepandan, nòmalman se Barèm C w ap itilize pou w ka detèmine lajan w antre nan fè travay endepandan.
Si w fè lajan ki sijè a enpo sou travay endepandan, itilize Barèm SE (an anglè) pou w detèmine ki kantite lajan w fè nan travay ak tèt ou. Avan w kalkile kòb benefis ou fè, ou bezwen nòmalman kalkile montan lajan w fè ki sijè a enpo sou travay endepandan.
Remak: Règleman enpo sou travay endepandan yo ap aplike kèlkeswa laj ou genyen epi menm si w gentan ap resevwa Sekirite Syosal oubyen Medicare.
Enpo sou ouvriye sante familyal ak sou travay endepandan
Gen règleman espesyal pou travayè k ap bay granmoun aje oubyen andikape (ouvriye sante) yo swen sante anndan kay. Ouvriye sante yo se sanse anplwaye moun y ap okipe yo paske yo travay nan kay granmoun aje oubyen andikape yo epi moun sa yo gen dwa pou di ouvriye sante yo sa pou yo fè. Gade paj Enpo sou ouvriye sante familyal ak sou travay endepandan (an anglè) ak Piblikasyon 926, Gid Enpo Anplwayè Kay (an anglè) pou plis detay.
Kòman pou peye enpo sou travay endepandan?
Pou peye enpo sou travay endepandan, ou dwe genyen yon nimewo Sekirite Sosyal (SSN) oubyen yon nimewo idantifikasyon kontribyab endividyèl (ITIN).
Rive jwenn yon nimewo Sekirite Sosyal
Si w pat janm genyen yon SSN, pou w aplike pou youn, sèvi ak Fòmilè SS-5, Aplikasyon pou yon Kat Sekirite Sosyal. W ap jwenn fòmilè sa a nan tout biwo Sekirite Sosyal, oubyen lè w rele 800-772-1213. Telechaje fòmilè a sou sitwèb nimewo ak kat Sekirite Sosyal (an anglè) la.
Resevwa yon nimewo idantifikasyon kontribyab endividyèl (ITIN)
IRS ap livre w yon ITIN si w se yon etranje ki pa rezide oubyen ki rezide, epi w pa genyen oubyen w pa elijib pou w genyen yon SSN. Pou w fè demann yon ITIN, ranpli Fòmilè W-7, Mande yon Nimewo Idantitikasyon Kontribyab Endividyèl IRS (an anglè PDF
Peye enpo sou travay endepandan ak estimasyon enpo yo
Antanke travayè endepandan, ou ka bezwen depoze dosye Estimasyon Enpo chak trimès. Ou ka sèvi ak pèman estimasyon enpo ou yo pou w peye enpo sou travay endepandan w. Ale konsilte paj Estimasyon enpo ak Pibliksayon 505, Prelèvman Enpo ak Estimasyon Enpo (an anglè) pou plis detay sou pèman enpo sou travay endepandan ak estimasyon enpo yo.