Yo te pibliye Kesyon yo Poze Souvan sa yo nan Fich Enfòmasyon 2032-32PDF, 14 Jiyè 2022. Q K1. Poukisa mwen oblije otantifye idantite m? (ajoute 22 Jen 2021) A K1. IRS bezwen rasire li ou se oumenm - se pa yon moun ki vle pase pou ou - anvan nou ba aksè nan enfòmasyon sansib sou kont ou an. Verifikasyon idantite w ap ede ou kenbe enfòmasyon w yo sennesòf epi anpeche fwod ak vòl idantite. Q K2. Kòman mwen ka otantifye idantite m? (mizajou 20 me 2022) A K2. Si ou se yon nouvo itilizatè Kont Anliy, ou dwe kreye yon kont ID.me nan IRS la epi verifye idantite ou. ID.me se yon founisè sèvis akreditasyon ki fyab ki chwazi pou sipòte sèvis koneksyon IRS.gov la. ID.me itilize dènye teknoloji verifikasyon yo pou otantifye idantite ou rapid epi fasil. Aprann plis sou ID.me ak pwosesis verifikasyon IRS la sou Konekte ou oswa Kreye yon Nouvo Kont. Si ou gen yon kont deja nan IRS, itilize non itilizatè ak modpas Aksè Sekirize a epi rantre kòd sekirite a antanke yon pati nan pwosesis otantifikasyon plizyè faktè a (multi-factor authentication - MFA). Si ou gen yon kont avèk ID.me nan gouvènman eta a oswa nan yon ajans federal, ou ka itilize imèl ou ak modpas ou epi konple MFA a. Q K3. Mwen poko gen 18 lane e yo te di m mwen pa ka otantifye; kisa pou mwen fè? (mizajou 20 me 2022) A K3. ID.me otantifye endividi ki gen 18 lane ak plis. Si w bezwen èd pou w verifye idantite w oswa soumèt yon tikè pou sipò, ou kapab ale sou Sit Èd IRS pou ID.me an (an anglè). Si w pa kapab verifye idantite w anliy, tanpri gade lòt opsyon nou yo. Q K4. Èske ID.me ap kenbe enfòmasyon mwen yo? (ajoute 22 Jen 2021) A K4. Wi, antanke yon founisè sèvis akreditasyon ki sètifye kont nòm federal, ID.me gen obligasyon pou li anrejistre enfòmasyon endividi yo. ID.me pwoteje tout enfòmasyon sansib yo avèk yon kriptaj ki pi fò pase sa anpil lòt enstitisyon finansyè. Q K5: Mwen pa ka otantifye idantite mwen. Kisa mwenn bezwen fè pou mwen otantifye idantite mwen? (ajoute 20 me 2021) A5. Si ou se yon nouvo itilizatè Kont Anliy, ou dwe kreye yon kont ID.me nan IRS la pou ou verifye idantite ou. Ou ka jwenn èd pou verifye idantite ou sou sit èd ID.me (an anglè). an. ID.me se yon founisè sèvis akreditasyon ki fyab yo chwazi pou sipòte sèvis koneksyon IRS yo. Si w bezwen èd pou w verifye idantite w oswa soumèt yon tikè pou sipò, ou kapab ale sou Sit Èd IRS pou ID.me an. Si w pa kapab verifye idantite w anliy, tanpri gade lòt opsyon nou yo. Q K6: Lè mwen rele IRS la pou li ede m otantifye idantite mwen, ki mizajou nan enfòmasyon yo mwen ka bay (mizajou 20 me 2021) A6. Ou kapab aktyalize adrès ou. Sijè Kredi Enpo pou Timoun an 2021 ak Peman Avans Kredi Enpo pou Timoun yo Sijè A: Enfòmasyon Jeneral Sijè B: Kalifikasyon pou Pèman Avans Kredi Enpo pou Timoun yo ak Kredi Enpo pou Timoun 2021 Sijè C: Kalkil Kredi Enpo pou Timoun 2021 an Sijè D: Kalkil Pèman Avans Kredi Enpo pou Timoun yo Sijè E: Pwosesis Pèman Avans Kredi Enpo pou Timoun nan Sijè F: Aktyalize Enfòmasyon sou Kredi Enpo pou Timoun ou an nan 2021 an Sijè G: Resevwa Pèman Avans Kredi Enpo pou Timoun yo Sijè H: Rekonsilyasyon Pèman Avans Kredi Enpo pou Timoun yo sou Deklarasyon Enpo 2021 w lan Sijè I: Rezidan sou Tèritwa Etazini ak Pèman Avans Kredi Enpo pou Timoun yo Sijè J: Anile Enskripsyon nan Pèman Avans yo Sijè K: Verifikasyon Idantite ou pou Ou Wè Kont Anliy Ou Sijè L: Kesyon Anpil moun poze sou Gad Pataje (Shared Custody) Sijè M: Kesyon Anpil moun poze sou Imigrasyon Sijè N: Retounen yon peman Mizajou anvan yo nan Kesyon yo poze souvan Fich Enfòmasyon 2022-29, 20 Me 2022PDF Fich Enfòmasyon 2022-17, 8 Mas 2022PDF Fich Enfòmasyon 2022-07, Fevriye 2022PDF Fich Enfòmasyon 2022-03, Janvye 2022PDF Fich Enfòmasyon 2021-13, Novanm 2021PDF
