Kèk kontribyab taks ap bezwen fè pèman estimasyon taks

Konsèy IRS sou Taks 2020-115, 8 Septanm 2020

Gen deseri lajan kontribyab taks la fè ki pa mande okenn prelèvman. Pou mèt ti antrepriz yo ak travayè endepandan yo, y ap bezwen fè pèman estimasyon takschak twa mwa.

Men kèk bagay enpòtan kontribyab taks yo dwe konnen sou pèman estimasyon taks:

• Jeneralman, yon sosyete oblije peye estimasyon taks si yo prevwa yo ap dwe $1000 oubyen plis lè yo deklare taks 2020 yo a.
   
• Aprè mèt biznis ak travayè endepandan yo, moun k ap bezwen fè pèman estimasyon taks se pwopriyetè endividyèl yo, sosye yo ak sosyete ki pran aksyon ansanm yo. Anpil fwa se moun ki fè pati sa yo rele ekonomi pataj la.
   
• Obligasyon estimasyon taks pa menm bagay pou agrikiltè ak pechè pwason yo (an anglè).
   
• Jeneralman, yon sosyete oblije fè pèman sa yo si yo prevwa yo ap dwe $500 oubyen plis lè yo deklare taks 2020 yo a.
   
• Dènye dat ki rete pou peye estimasyon taks 2020 yo se 15 Septanm 2020 ak 15 Janvye 2021.
   
• Kontribyab taks ka repase fòmilè sa yo k ap ede yo konnen ki pèman estimasyon taks pou yo fè:
  • Fòmilè 1040-ES, Estimasyon Taks pou Moun
    Fòmilè 1120-W, Estimasyon Taks pou Sosyete yo (an anglè)
• Kontribyab taks yo gen opsyon pou yo peye estimasyon taks. Nan opsyon sa yo, nou jwenn:
  • Pèman Dirèk ki soti nan yon kont ou gen labank.
  • Peye ak kat kredi oswa debi oubyen ak Sistèm Elektwonik pou Pèman Taks Federal.
  • Poste yon chèk oswa yon manda lajan voye bay IRS.
  • Peye ak lajan kach kay yon patnè k ap vann an detay

Kontribyab taks ki pa peye ase taks pandan ane a ap gen pou l peye yon kontravansyon poutèt pèman ki twò piti (an anglè).

Kontribyab takks yo, ki genyen swa yon djòb oubyen pansyon epi ki gen prelèvman taks federal dwe konsilte prelèvman yo; pou sa y ap itilize Estimatè Prelèvman Taks la sou IRS.gov. Si estimatè a pwopoze yon chanjman, kontribyab taks la ka soumèt yon lòt Fòmilè W-4 voye bay anplwayè yo a. Estimatè a ap fè manèv ak anpil sous revni epi ak anpil djòb depi kontribyab taks la genyen yon revni W-2 oswa yon deklarasyon pèman pansyon/rant.

Plis enfòmasyon:

• Piblikasyon 505, Prelèvman Taks ak Estimasyon Taks (an anglè)

Abòne ak Konsèy Taks IRS (an anglè)