Pou rezon enpo federal, aktif nimerik yo trete tankou yo se byen. Règleman fiskal jeneral ki aplike pou tranzaksyon byen yo, aplike pou tranzaksyon ki fèt avèk aktif nimerik yo. Ou ka genyen pou w deklare aktivite aktif nimerik ou yo sou deklarasyon enpo ou a. Definisyon Aktif Nimerik Yo Nan yon sans laj, aktif nimerik yo defini kòm tout reprezantasyon yon valè ki anrejistre sou yon rejis ki distribiye e ki sekirize ak kriptografi oswa tout lòt teknoloji ki parèy, jan Sekretè a presize. Aktif nimerik yo se (men pa sèlman): Monnen vityèl ak kriptomonnen ki ka konvèti Stablecoins Jeton yo ka echanje yo (NFT yo) Aktif nimerik yo pa monnen reyèl (yo konnen tou antanke "fiat") paske yo pa monnen pyès ak monnen papye Etazini oswa yon peyi etranje epi se pa bank santral yon gouvènman ki bay yo pa vwa nimerik la. Yon aktif nimerik ki gen yon valè ekivalan an monnen reyèl, oswa ki ka aji kòm yon ranplasan pou yon monnen reyèl, ka idantifye kòm yon monnen vityèl ki konvètib. Yon kriptomonnen se yon ekzanp monnen vityèl konvètib ki kapab sèvi pou peye pwodwi ak sèvis, itilizatè yo kapab fè echanj nimerik avèk yo epi chanje yo pou oswa an monnen reyèl oswa aktif nimerik. Konsekans Fiskal yo Jeneralman, yon tranzaksyon ki enplike aktif nimerik dwe deklare sou yon deklarasyon enpo. Benefis oswa pèt ki gen enpo sou yo ka soti nan tranzaksyon tankou, men pa sèlman: Vant yon aktif nimerik pou fiat Echanj yon aktif nimerik pou byen, machandiz oswa sèvis Echanj oswa vant yon aktif nimerik pou yon lòt aktif nimerik Resepsyon yon aktif nimerik kòm pèman pou machandiz oswa sèvis Resepsyon yon nouvo aktif nimerik kòm konsekans yon separasyon (hard fork) Resepsyon yon nouvo aktif nimerik apre yon aktivite minaj ak jalonnman Resepsyon yon aktif nimerik kòm apre yon lagaj (airdrop) Tout lòt dispozisyon yon enterè finansye nan yon aktif nimerik Remak: transfè byen an, ki gen ladan yon aktif nimerik, kòm yon kado bòn fwa, egzije pou w ranpli Fòm 709, Deklarasyon Enpo sou Kado Etazini (ak transfè ki sote jenerasyon) si valè jis byen an sou mache a, nan moman transfè a, depase montan lajan kado anyèl ki disponib yo eskli pou donatè a nan moman transfè a. Rekòmandasyon ak Piblikasyon Pou plis enfòmasyon konsènan règleman fiskal jeneral ki aplike pou aktif nimerik yo, ou kapab gade tou nan materyèl sa yo: Rekòmandasyon IRS Règleman seksyon 6045 yo pwopoze a (an anglè), ki ouvè a kòmantè epi a remak piblik la jiska 30 oktòb, t ap egzije koutye nan aktif nimerik yo pou yo deklare yon seri vant ak echanj. Règleman yo pwopoze yo t ap klarifye ak ajiste prensip an rapò ak deklarasyon enpo enfòmansyon koutye yo, nan yon fason pou koutye nan aktif nimerik yo kapab soumèt anba menm prensip deklarasyon enfòmasyon ak koutye nan valè imobilye yo ak lòt enstriman finansye. Dapre lwa aktyèl la, kontribyab yo dwe enpo sou benefis yo e yo ka gen dwa pou yo dedui pèt sou aktif nimerik yo lè yo vann yo, men pou anpil kontribyab, li difisil epi li koute pou yo kalkile benefis yo fè yo. Prensip yo pwopoze yo egzije koutye yo pou yo soumèt yon nouvo Fòm 1099-DA pou ede kontribyab yo detèmine si yo dwe enpo, e sa t ap ede kontribyab yo oblije fè yon seri kalkil konplike oswa peye sèvis preparasyon enpo pou aktif nimerik pou yo kapab soumèt deklarasyon enpo yo. Règleman say o an amoni avèk deklarasyon enpo sou aktif nimerik yo avèk deklarasyon enpo sou lòt aktif yo,e an konsekans, yo evite yon tretman selon preferans ant plizyè kalite aktif diferan. Dapre prensip yo pwopoze yo, premye lane yo t ap egzije koutye yo pou yo deklare tout enfòmasyon sou vant ak echanj aktif nimerif yo se 2016, pou vant ak echanj an 2025. Avi IRS 2014-21 (an anglè), jan Avi 2023-34 (an anglè), la modifye li a, gide patikilye ak biznis yo sou tretman fiskal tranzaksyon ki fèt avèk monnen vityèl konvètib yo. Pou rezon enpo federal, yo trete monnen vityèl tankou byen. Prensip fiskal jeneral ki aplike pou tranzaksyon byen yo aplike pou tranzaksyon ki fèt avèk monnen vityèl yo. Avi IRS 2023-27 (an anglè)PDF bay endikasyon sou tretman fiskal jeton ki pa komèsyal yo (NFT yo) Kesyon yo Poze Souvan sou Tranzaksyon Monnen Vityèl yo devlope ekzanp yo ki nan Avi 2014-21 epi li adapte menm règleman fiskal sa yo ki la depi byen lontan yo ak kèk lòt sitiyasyon adisyonèl. Desizyon Fiskal 2019-24 (an anglè) pale sou enplikasyon fiskal yon separasyon (hard fork). Desizyon Fiskal 2023-14 (an anglè)PDF pale de si wi ou non, yon kontribyab ki itilize metòd lajan kach ki resevwa inite kriptomonnen adisyonèl nan jalonnman, dwe enkli rekonpans sa yo nan revni brit li. Enfòmasyon Anplis Konsèy Konseye Prensipal (CCA) 202035011 (an anglè)PDF – Dekri konsekans fiskal yo lè nou resevwa monnen vityèl konvètib kòm pèman pou ti travay atravè yon platfòm ki gen plizyè moun k ap travay. Konsèy Konseye Prensipal (CCA) 202114020 (an anglè)PDF – pale de resepsyon Lajan Bitkwen apre yon separasyon (hard fork). Konsèy Konseye Prensipal (CCA) 202124008 (an anglè)PDF – Dekri nan ki mannyè Seksyon 1031 Lwa Revni Entèn nan aplikab sou echanj Bitkwen pou Etè, Bitkwen pou Laytkwen epi Etè pou Laytkwen. Avi alekri “Chief Counsel Advice” (CCA) 202302011 (an anglè)PDF – Jere kesyon aplikasyon seksyon 165 IRS la sou kriptomonnen ki te pèdi nan valè li. Avi alekri “Chief Counsel Advice” (CCA) 202302012 (an anglè)PDF – Jere kesyon ekzijans pou evalyasyon kalifye pou kontribisyon charitab kriptomonnen yo Konsèy Avoka an Chèf (CCA) 202316008 (an anglè)PDF - Dekri konsekans fiskal yo pou yon kontribyab ki kenbe yon kriptomonnen ki sibi yon amelyorasyon nan pwotokòl. Lèt Desizyon Prive 202019028 (an anglè)PDF – te trete yon seri pwoblèm ki an rapò ak estati antite yo ki ekzante de enpo nan endistri aktif nimerik la. Avi FinCEN 2020-2 (an anglè)PDF bay rekòmandasyon sou ekzijans sou deklarasyon rapò Bank ak Kont Finansyè Etranje yo (FBAR) ki an rapò ak monnen vityèl yo. Piblikasyon yo Revni ki gen Enpo sou li ak Revni ki Pa gen Enpo sou li, Piblikasyon 525 (an anglè) – pou plis enfòmasyon sou divès revni ki soti echanj nan byen oswa sèvis. Kontribisyon nan Charite, Piblikasyon 526 (an anglè) – pou plis enfòmasyon sou dediksyon kontribisyon nan charite yo. Vant ak Lòt Dispozisyon Aktif, Piblikasyon 544 (an anglè) – pou plis enfòmasyon sou aktif kapital ak karaktè gen oswa pèt. Baz Aktif yo, Piblikasyon 551 (an anglè) – pou plis enfòmasyon sou kalkil baz yo. Detèmine Valè Byen yo bay kòm Don, Piblikasyon 561 (an anglè) – pou plis enfòmasyon sou evalyasyon byen yo bay kòm don ki vo plis pase $5000. Sijè Konèks IR-2018-71, IRS ap raple kontribyab yo pou yo deklare tranzaksyon monnen vityèl yo (an anglè) Kanpay Konfòmite Monnen Vityèl, 2 Jiyè 2018 (an anglè) IRS-2019-132, IRS te kòmanse voye lèt bay moun ki genyen monnen vityèl yo pou konseye yo peye enpo yo dwe, fè deklarasyon amande; pati gwo efò ajans lan ap fè yo (an anglè) IR-2022-61, IRS la ap raple kontribyab yo ke yo dwe tcheke yon kazye sou Fòm 1040, 1040-SR, oswa 1040-NR sou tranzaksyon monnen vityèl yo pou 2021 IR-2022-227, Trezò, IRS bay konsèy tranzisyonèl pou rapò koutye sou byen dijital (an anglè) IR-2023-12, IRS: Mizajou kesyon sou aktif nimerik yo; kontribyab yo ta dwe kontinye deklare tout revni ki fèt sou aktif nimerik yo (an anglè) IR-2023-50, IRS bay rekòmandasyon, chache kòmantè sou jeton yo ka echanje yo (an anglè)
